“ KOFJE MEI IN FERHAAL ” mei ANNEMIEK SCHUURMAN
De lêste alwer fan dizze searje fan fjouwer. Tongersdei 6 maart komt Annemiek Schuurman har libbensferhaal fertellen.
“Ik kaam te wrâld as jongste famke fan Jelte en Tiet, fan de Enkabé sil ik mar sizze. It wie in drokke húshâlding, fjouwer bern, in winkel, hûnen, hynders, hobbys. Hoe ’t ús âlde lju it altyd oprêden ha…
Ik gong by it korps, kaam yn it jeugdsoosbestjoer, jamsessions yn SZDRNZLL, de Kulturele Kommisje, sjonge yn it iepenloftspul en ik siet ek noch op skoalle fansels. Myn opliedings hiene wolris wat te lijen ûnder myn droktes.
Nei in pear ferkillende banen bin ik by myn man Wybo yn it bedriuw stapt; it beste beslút yn myn libben. Tegearre binne wy no Studio Smids.
De teäterkultuer dêr ’t ik mei opgroeid bin yn Wergea hat foar my hiel wichtich west, it hat my foarme; ik ha der myn hiele libben profyt fan hân.
No, op myn 57ste kin ik sizze dat myn libben derút sjocht sa as ik dat as lyts fanke betocht hie.
Ach, eins bin ik noch hieltyd in lyts famke en mei ik dat sa no en dan ek noch spylje yn in bernefoarstelling : ) Hoe moai is dat! “
Dat lytse famke hat ek wer in nijsgjirrich ferhaal te fertellen en moaie foto’s en filmkes sjen te litten.
Foar elkenien dy’t tongersdeitemoarn frij hat.
6 mrt 2025 10.00 oere (ynrin 9.30 oere)
Tagong fergees
Kofje en tee: €1,-
Graach oant sjen,
Isabel Hoogwater, Rommy van Lingen, Grieteke van der Vlugt